Administrasyon ng mga Pansalââ
Sa pamamagitan ng pahina para sa pamamahala ng mga Pansalâ, maaari mong itakda kung aling pansalâ ang gagamitin sa ipinakitang teksto at kung alin ang mauuna at mahuhuling gamitin. Mayroon din itong lagusan papunta sa pahina ng mga kaayusan ng ilang pansalâ. Ang mga pansalâ ay ginagamit sa karamihang teksto ng tagagamit sa moodle, ilang sandali bago ito ipakita. Pinahihintulutan ng mga ito ang 'huling sandali' na pagbabago ng teksto.
Ang mga pansalâ ay rekurso na puwedeng 'iplug'. Marami pang pansalâ sa http://download.moodle.org/modules/filters.php.
Piliin ang mga pansalâ na gusto mong gamitin sa pamamagitan ng 'paglalantad' sa mga ito, sa pamamagitan ng ikon na mata. Kung higit sa isa ang inilantad mo, mababago mo ang pagkakasunod-sunod ng paggamit nito sa pamamagitan ng pataas at pababang pana.
Sulat TeX
Ang sulat TeX ay kalimitang ginagamit sa paglikha ng nasa linya na pormulang pangmatematika sa mga rekurso ng Moodle. Halimbawa $$ sqrt(a+b) $$ (ang $$ ay ang 'tag' para sa sa simula at dulo ng anyo na ito).
Gumagamit ng mga panlabas na binary ang Moodle para malikha ang mga larawan, kaya maaaring kailangang isaayos muna ang mga binary na ito sa sistema ninyo. Hahanapin muna ng pansalâ ang LaTeX renderer (kailangan din ng Ghostscript ng paraang ito) at kung hindi niya matagpuan ito ay gagamitin niya ang mas simpleng miktex na binary na kalahok na sa ipinamamahaging Moodle. Puwedeng gamitin sa LaTex ang lahat ng sintaks, pero sa miktex tanging subset ng pangmatematikang sintaks ang magagamit.
Sa pahinang pangkaayusan, maisasaayos mo ang landas ng LaTeX at Ghostscript na binary, pati ang LaTeX preamble.
Marami pang impo
Pagbabawal ng mga Salita
Naghahanap ang "Pagbabawal ng mga Salita" sa teksto ng mga 'bastos na salita' na nakalista na sa isang listahan. Ang bawat pakete ng wika ay may kaniya-kaniyang umiiral na listahan, pero puwede ka ring lumikha ng sarili mong listahan. Para makalikha ng sarili mong listahan , pumasok sa pahinang pangkaayusan at isulat ang listahan mo ng mga salita. Kapag may ganitong salita sa teksto, ang makikita ng tagagamit ay itim na bloke, pero kapag itinapat mo ang mouse dito susulpot ang orihinal na salita.
Kusang-Paglink sa mga Pangalan ng Rekurso
Naghahanap ang "Kusang-Paglink sa mga Pangalan ng Rekurso" sa teksto ng mga pamagat ng rekurso na mayroon sa kursong iyon. Kapag may natagpuan, patitingkarin ito at lilikha ng link para dito. Tandaan na para magamit ito nang mahusay, dapat ay gumamit ka ng mga pamagat na naglalarawan. Halimbawa, ang pamagat na 'Nilalaman'ay hindi mabuti dahil alinmang paggamit ng salitang 'Nilalaman'sa teksto ay ililink kahit na ibang bagay ang tinutukoy nito.
Kusang-Paglink sa mga Pangalan ng Aktibidad
Naghahanap ang "Kusang-Paglink sa mga Pangalan ng Aktibidad" sa teksto ng mga pamagat ng aktibidad na mayroon sa kursong iyon. Kapag may natagpuan, ito ay patitingkarin at gagawan ng link. Tandaan na kung nais mong magamit ito nang mahusay, dapat ay gumamit ka ng mga pamagat na naglalarawan. Halimbawa ang pamagat na 'Pagsusulit' ay hindi mabuti dahil ang alinmang paggamit ng salitang 'Pagsusulit' ay lalagyan ng link kahit na ibang bagay ang tinutukoy nito.
Kusang-Paglink sa Talahulugan
Naghahanap ang pansalâ na ito sa teksto ng mga susing salita na ginamit sa talahulugan ng kurso. Magkagayunman, tandaan na dapat ay buhay ang paglink sa bawat tala sa talahulugan. Kapag natagpuan, ang mga ito ay patitingkarin at lalagyan ng link.
Proteksiyon sa Email
Naghahanap ang pansalâ na 'Proteksiyon sa Email' sa teksto ng anumang address ng email. Kapag may natagpuan, ito ay 'palalabuin'para makatulong sa pagpigil sa mga sistemang awtomatikong kumokulekta ng email. Mababawasan nito ang panganib ng spam kung ang ilang bahagi ng site ng Moodle mo ay bukás.
Tidy
Naghahanap ang Tidy sa teksto ng mga construct na HTML. Kapag may natagpuan tatangkain nitong gamitin ang mga patakaran para sa paglikha ng tanggap na HTML. Tandaan na kailangang may tidy na function sa iyong instalasyon ng PHP para gumana ito.
Maraming-Wika na Nilalaman
Sa pamamagitan ng pansalâ na ito puwede mong gawing iba-iba ang wika ng rekurso mo. Magbabago ang wika ng rekurso kapag binago ng tagagamit ang pinili nilang wika na pang-Moodle. Para magamit ang katangiang ito, kailangan mo munang likhain ang nilalaman mo sa iba-ibang wika (sa rekurso ring iyon. Tapos ay ipaloob ang bawat bloke ng wika sa sumusunod na tag:
<lang lang="XX">dito_ilalagay_ang_laman</lang>